La página que estabas buscando en este blog no existe.
La página que estabas buscando en este blog no existe.
Este é o mapa do reparto de COUREL. Está totalmente dividido en cuadrículas mineiras, excepto nos límites con Pedrafita do Cebreiro. Según a XUNTA de GALICIA, xa se están tramitando 54 explotacións dentro e fóra de REDE NATURA. O armazón de raias verdes transversais sinalan aquí a REDE NATURA, todo o demais son apertadas leiras mineiras.
Agosto de 2008. Arde en Ferreirós unha plantación de piñeiros abandonada, para a que se utilizaron fondos europeos. Vese como o lume saltou dúas estradas, infraestruturas sobre as que non se fai ningunha labor de prevención, mentres se gastan cada ano enormes sumas de fondos europeos para a construción de pistas e cortalumes.
Cambio rotundo na paisaxe do Courel. Gastando os fondos que Europa facilita para mellorar a Rede Natura, no Courel estase a facer Xusto ao revés, aquí estes fondos destínanse para introducir especies alleas e destruír os hábitats propios , arrasando a cuberta vexetal, aumentando a erosión e contaminando as augas. As especies que se introducen son na maioría dos casos coníferas pirófitas aumentando de xeito catastrófico o risco de incendio neste espazo natural. Estas plantacións carecen da correspondente avaliación ambiental.
Tal e como se ten demostrado na Galiza, cando o lume prende nun bosque pirófito abandonado(eucaliptais e piñeirais), non o paran nin as autoestradas en cambio os bosques autóctonos do Courel levan centos de anos sen arder a pesar de que non se lle dedican fondos para o seu coidado. Sen embargo nestas infraestruturas estanse a gastar grandes cantidades de Fondos Europeos axudando unicamente a destrución da Rede Natura, do chan e aumentando a contaminación das augas.
En plena Rede Natura, instalarase no máis alto deste bosque mixto, afectando a hábitats e especies prioritarias. Os acantilados do Oribio constitúen un dos poucos criadeiros de aves de rapaces da GALZA . Este bosque está dentro do Territorio Histórico do Camiño de Santiago
A estrada á Autovía A6 necesitaba melloras pero así NON. Iniciadas as obras no 2003 e aínda non rematado a metade do seu percorrido. Feita en Rede Natura sen a correspondente avaliación ambiental, sen pasos de fauna, con taludes imposibles, grandes escombreiras, desvíos de ríos e regatos, vales enteiros tapados, ríos entubados, destrución absoluta da paisaxe, sen medidas correctoras. Con Fondos Europeos.
Estrada necesitada de melloras pero así NON. Incribles desmontes de terra, tapando vales e ríos, sin pasos de fauna, desvío de correntes de auga. En Rede Natura e con Fondos Europeos.
Pistas, cortalumesdesmesurados, plantacións de pirófitas, non se respecta nin o máis alto dos montes, enturbando xa as primeiras augas. Na Rede Natura con Fondos Europeos . Na foto, pistas sobre a devesa da Rogueira (Formigueiros).
O Courel aínda non foi declarado "zona de especial protección do oso pardo ". Mentres no resto da Cordilleira Cantábrica está aumentando o nº de exemplares, para o que se están a investir cuantiosos Fondos Europeos, no Courel non se está a facer nada para asentar definitivamente esta especie que nos visita con regularidade. A toponimia, centos de covas e refuxios e milleiros de alvarizas son proba irrefutable da súa abundante presenza ata fai poucas décadas Na Foto Alvarizas de Súdrios, construcións defensivas para evitar qu os osos comeran o mel.
Restauración incompleta do vertedoiro de lixo de Megoxe, onde as labores limitáronse a tapar o lixo deixándoo no mesmo sitio e sementar un pouco de herba. Observase claramente as escombreiras do entorno se restaurar. En Rede Natura ás beiras do río LOR.
Tal e como pasa sempre coa minería: NO 2009, esta canteira do Piapáxaro, foi pechada e abandonada, centos de traballadores despedidos. Consecuencias do monocultivo industrial ao non crear ás alternativas obrigatorias á actividade mineira tal e como manda o sentido común.
No ano 1996 o impoñente souto de Santa Eufemia ocupou as páxinas centrais e foi protagonista do libro "El Castaño" obra de profesores da Universidade de Santiago de Compostela. No 1999 mandouse protexer pola normativa da Rede Natura 2000. No 2004 a Xunta de Galicia sacouno da Rede Natura cambiándoo por un anaco de embalse morto no Sil, rodeado de piñeiros e chopos canadenses, totalmente urbanizado e atravesado por unha vía de alta capacidade.